Wekîla HDPyî ya Sêrtî Merale Daniş Bektaş derheqê tecrîdê Rayberê Şarê Kurdî Abdullah Ocalanî, tedaya tepiştişî û destbendkerdişî yê vera HDPyî de ANFyî reyde qisey kerd.

Beştaşe qala tedaya vera HDPyî kerde û vat: ''Nê hêrişî yenê manaya ke muxalefet bêtesîr bikerê û îqtîdarê xo dewam bikerê. Nê hêrişî metodê îqtîdarî yê. Hêrişê 1ê teşrîna peyêne, Rewşa Îstîsnayîye, dormegirewtiş nê pêro mîsal ê. Nê tedayî her çiqas sere de vera şarê kurdî û HDPyî yenê kerdene zî aslê xo de vera pêro muxalafetî yê. Vera nê pêro tedayan zî ma qels nêbîyî la mi bihêrs bîyî.''

Beştaşe pare kerd ke tecrîdê vera Rayberê Şarê Kurdî Abdullah Ocalanî pêro Tirkîya eleqedar keno û vat: ''Ganî bi hawayêkê hîrayî tecrîd bêro ercnayene. Tecrîd têna vera Ocalanî û tepişteyanê bînan nêno kerdene. Êyê ke yenê tecrîdkerdene îxtîmakê haştî û çareserî yê. Wexto ke Îmraliyî reyde pêvînayîşî yenê kerdene komel  aram beno. Ma qala kesêkî kenê ke şarê kurdî ey sey rayber hesibneno. Dewleta tirke û îqtîdar hêzê Birêz Ocalanî zanenê. Îtîfaqê AKP-MHPyî Tirkîya de ver bi kaosêkê pîlî şino. Çîyo ke ewro Îdlîb de qewimîyeno verê çiman de yo. Coka ganî têna şarê kurdî ney, pêro muxalefet vera tecrîdî bibo.''