Heyetê Serekîye yê Konseya Neteweyî yê Bethnahrinî bi eşkerayîyêke pare kerd ke Qirkerdişê Seyfoyî yê 1915î bi Peymana Lozanî ameyo înkarkerdene û dewletê garantorî hema zî hêrişanê vera sûryanî, asûrî, keldanî û aramîyan asteng nêkenê.

Eşkerayîye de ame parekerdene ke dewleta tirke Peymana Lozanî ra dima şarê sûryanî, asûrî, keldanî û aramîyan koçber kerd, asîmîle kerd û qirkerdişê fîzîkî reyde qirkerdişê kultur û ziwanî zî kerd.

Heyetê Serekîye yê Konseya Neteweyî yê Bethnahrinî îfade kerd ke bara Peymana Lozanî sîyasetê înkar û îmha yê vera sûryanî, asûrî, keldanî û aramîyan de zaf a û ê qetî na peymane nêşinasnenê. Heyetê Serekîye pê hesna ke sere de Îngilîstan û Fransa ganî pêro welatê ke îmzaya înan binê Peymana Lozanî de est a, peynîya neheqîya vera sûryanîyan bîyarê.

Eşkerayîye de wina ame vatene: ''Ma do hertim vera sîyasetê înkar û îmha têkoşînê xo yê azadîye bikerê. Ma ê hêzanê ke Bi Peymana Lozanî şarê ma çin hesibnayo, û ferasetê Komara Tirkîya şermezar kenê û red kenê.''