Parîs de  semedê protestokerdişê Erdogan û  Trumpî bi hezaran kesî vejîyayî kuçeyan.

Paytextê Fransa Parîs de merasimê ke çarçiwaya serrgêra 100ine ya qedîyayîşê Şerê Dinya yê Yewinî yenî viraştene îdarekarê 70 dewletan tewrê înan bîyî. Miyanê înan de serokkomarê tirkî Recep Tayyîp Erdogan, serekê Amerîka Donald Trump û serrekê Rûsya Vladîmîr Putîn zî estî.

Semedê protestokerdişê  Erdogan û  Trumpî bi vengdayîşê kolektîfê ‘‘Ne şer ne zî halê şerî‘‘ ke tede 50 komelî ca gênî mîtîngêk ame viraştene.

Antîkapîtalîst, anarşîst, femînîst, partîyê sîyasîyî, sendîkayî û grûbê kurd û tirkan ê çepî tewrê çalakîye bîyî.

Ciwananê kurdan zî bi alayanê PKKyî û slogana ‘‘Ocalanî rê azadîye‘‘ çalakîye de cayê xo girewt.

Verê nê mîtîngî hîrê endamanê FEMENî çalakîyêk viraştebî û ameybî binçimgirewtene.