Bi mîlyonan hesabê Facebookî ameyî tirawitene
Serranê peyênan de Facebook bi parekerdişê melumatanê endamanê xo ameyêne rexne kerdene. Nika zî vejîya orte ke hesabê tewr tay 50 mîlyon kesan ameyo tirawitene.
Goreyê îzeheto ke îdareyê Facebookî ra ameyo dayene, 2 mîlyar endamanê înan ra tewr tay hesabê 50 mîlyon kesan ameyo tirawitene. Ameyo vatene ke nê hesabî hetê korsanan ra tirawîyayî.
Îzehet de melumatê zeîfîya ewleyîya Facebookî ameya kerdene û bi hawayo tirawîyayîşê nê hesaban zî ameyo vatene. Îzehetê Facebookî de ameyo dîyar kerdene ke tena hesabê 50 mîlyon kesan nêtirawîyayo, hesabê 40 mîlyon kesan zî ameyo padayene.
Seke yeno zanayene verê cû zî vejîyabi orte ke Facebookî melumatanê 87 mîlyon kesan bi şîrketê Cambîdge Analytîca reyde pare kerdbî.
