Endamanê Grup Yorumî Îbrahîm Gokçekî û Helîne Bolek zîndan de dest pê çalakîya rojeyê mergî kerdbi û çalakîya xo veradayîşî ra dima zî dewam kerdêne. Polîsan vizêr şan eşt ''Keyeyê Xoverdayîşî'' yê Sariyerî ser.

Gokçek û Helîne bi 260 rojan o ke rojeyê mergî de yê. Polîsan şewe saete 03:30î de eşt keyeyê înan ê xoverdayîşî yê Sariyerî ser. Gokçek û Helîne bi zorî keyeyî ra ameyî vete û bi ambulansan ameyî berdene bi nêweşxaneyî û zanayîşêk nêda keye û avûkatanê Gokçekî û Helîne. Netîceya xîretan de ame zanayene ke her di çalakîkerî ameyî berdene bi Nêweşxaneyê Cigêrayîşî û Perwerdeyî yê Ûmranîye. Goreyê xeberan rewşe verê Keyeyê Xoverdayîşî de co bêra şermezarkerdene.