Serekkomarê Tirkîya Erdogan roja îneyî do şêro paytextê Almanya Berlinî. Zîyaretê Berlinî yê Erdoganî nika ra bi sebebê nîqaşanê hîrayan. 

Hetê bînî ra rojnameyê Bildî nuşt ke rejîmê Erdoganî herikîyayîşê koçberan ê ver bi Ewropa organîze keno.

Rojnameyê Bildî bi agahîyan bale ante ser ke koçberî sebebanê ekonomîkan ra bi rayîranê qeçaxan şinê Ewropa û dewleta tirke zî çimdarîya ney kena. Xebere de ame vatene ke koçberî hêverî şinê Sirbîstanî uca ra zî pê kamyon û tiran xo resnenê Almanya.

Cepheyê muxalefetî zî venga hukmatê Olaf Scholazî da ke wa verê nê herikîyayîşê koçberanê qeçaxan ê rejîmê Erdoganî bigêro.

Pisporê Karanê Teberî ya Partîya Yewîya Xirîstîyananê Demokratan (CDU) Knut Abrahamî Bildî rê qisey kerd û pare kerd ke guzergehê koçberanê qeçaxan binê kontrolê Tirkîya de yo.