Îdîanameyê qefilnayîşê HDPyî hetê Mehkemeya Qanûnê Bingeyî ra ame qebulkerdene. Îdîaname de xeylêk sûcdarkerdişî estê. Endamê Meclîsê Partîye yê HDPyî Avûkat Dogan Erbaşî derheqê babete de ANFyî rê qisey kerd. 

Dogan Erbaşî pare kerd ke îdîaname bi temamî sîyasî yo û îdînameyê verênî yê betlakerdeyî ra qet yew ferqê ci çin o. Erbaşî vist vîrî ke medyaya îqtîdarî kena ke bira qefilnayîşê partîya Batasuna ya Mehkemeya Heqanê Merdiman a Ewropa (MHME) seba qefilnayîşê HDPyî sey mîsal mojnena. Erbaşî ard ziwan ke nê wird partî seyci nîyê.

Erbaşî vat: ''Îspanya û Tirkîya seyci nîyê. Îspanya de herêmê xoserî estê, Îspanya de ziwan û alaya Baskî fermî yê. Babeta Batasuna de 18 birê cîyayî yê mehkeme estê. Nînan ra yew zî şermezarkerdişê şîdetî yo. Batasuna seba verê şîdetê ETA de nêvinderte la HDP partîya haştîye ya. Coka ne wird partîyî ne zî wird birî nêmanenê yewbînan, cîya yê.''