Amed, Adana û Îstanbul de bi şîarê ''Bijî Berxwedana Zîndanan'' bira Dewaya Kobanê ameye protestokerdene.

Qezaya Rezanî ya Amedî de bi seyan kesan rayraşîyayîş kerd. Rayraşîyayîş de Hemserekê DEM Partî yê Amedî Abbas Şahînî çayxaneyî zîyaret kerdî û pare kerd ke ganî şar wayîrê îradeyê xo vejîyo û seba çalakîya ewroyîne ya Amedî veng da. Qezaya Bajarê Nû de bi şîarê “Bijî berxwedana zindanan” û “Em ê bi berxwedanê bi serbikevin” rayraşîyayîş ame kerdene. Hemşaredara Bajara Nû Pinare Sakik Tekîn venga şarî da ke ewro tewrê çalakîye bibo. Qezaya Peyazî de zî bire bi rayraşîyayîşêkî ameye protestokerdene.

Rêxistina DEM Partî ya Îstanbulî  qezayanê Bahçelîevler, Kadikoy û Esenyurtî de eşkerayîyî dayî. Eşkerayîyan de ame parekerdene ke bira dewa bêhuqûq a.

Endamanê Meclîsê Ciwanan ê DEM Partî yê Adana bi rayraşîyayîşêkî bire protesto kerde. Ciwanan sloganê sey “Kobanê neket, ên kumpas kirin ketin”, "Bijî berxwedana zindanan", "Girtiyên siyasî rûmeta me ne ", "HDP gel e, gel li vire", "Her cih Kobanê her cih Berxwedan” û "Selahattîn Demîrtaş rûmeta me ye” vatî.