Bîrdal: Ma keyeyanê xo ra vejîyê û meydanan de bêrê têhet

Serekê Anorkî yê ÎHDyî Akin Bîrdalî operasyonê qirkerdişê sîyasî ercnayî û vat ke nika ra meşrutîyetê weçînitişan bimunaqeşe yo.

Nê rojanê ke amadekarîya weçînitişanê cayîyan yena kerdene bi fermanê serekkomarê tirkî Tayîp Erdoganî hemverê kurdan de operasyonê qirkerdişo sîyasî dest pêkerd.   

Serekê Anorkî yê Komela Heqanê Merdiman ÎHDyî Akin Bîrdalî weçînitişo cayî û tecrîdo giran o ke rayberê şarê kurdî Abdullah Ocalanî ser o yeno kerdene ANFyî rê ercnayî. 

Bîrdalî ard ziwan ke nika ra meşrutîyetê weçînitişî bimunaqeşe yo û 87 temsîlkarê şarî hepsî yê û şaredarîyanê Kurdistanî re 100 ra vêşêr qeyûmî ameyê tayînkerdene û vat ke vatişê Erdoganî yo „beno ke newe ra qeyûmî bêrê tayînkerdene“ demokratîk biyayîşê weçînitişî ser o yeno manaya tehdîtêkê cidîyî. 

'20 SERRÎ RAYBERÊ ŞARÊK AZADÎYA CI RA MEHRÛM KERDIŞ ÎŞKENCEYÊK O'

Bîrdalî derheqê tecrîdo ke rayberê şarê kurdî Abdullah Ocalanî ser o yeno kerdene de zî fikrê xo ardî ziwan û vat: „Bi qerarê AİHMî tecrîd û îşkenceyo ke ameyê serreyê kesêk ke şarî o sey îradeyê xo weçînito çinê ameyo hesebnayene. Labelê 20 serrî tecrîdkerdişê rayberê şarêk bi serreyê xo îşkenceyêk o.“    

'BÊ DEMOKRASÎ WELAT NÊEŞKENO XO KRÎZÊ ÎQTÎSADÎYÎ RA BIFELETNO'

Bîrdalî dewamê qiseykerdişê xo de bale ante Akademîsyenanê Aşitî ke vatibi „Ma do nê sûcî rê nêbê hempar“ ke nê kesî adlîyeyanê Çagalayanî de her roje îfade danê. Ê wina dewam kerd: ‘‘Çîyo ke aseno mekanîzmayanê kontrolî yê mîyan-neteweyîyan kontrolê xo kerdo vinî. Rojanê peyênan de meşrutîyetê HDPyî ser o munaqeşekerdiş bi xo beno sebeb ke hêzê asayîşî hêriş bikerê.“ 

Dewamê ci de Bîrdalî vat ke: ‘‘Eke demokrasî çinêbo krîzo îqtîsadî hal nêbeno, edalet  çinêbo krîzo îqtîsadî hal nêbeno, azadî yan zî berdarî çinêbo krîzo îqtîsadî hal nêbeno.“

'KÛÇEYAN DE MA PAŞTÎDAYÎŞ Û YEWÎYA MECLÎSE BICA BIYARÊ'

Peynîya qiseykerdişê xo de Bîrdalî 100 serrîya Şorişê Teşrîna verêne ard vîr û vat: ‘‘Hemverê kolonyalîzmî de kede, hemeverê şerrî de aşitî û hemverê tepiştişî de zî azadî. Na yewe ra ganî ma şîarê nan, aşitî û azadî berz bikerê. Kitabê mi yê Zerfo Zerd de postekar ber bi ber gêreno û wazeno ke wayîrê zerfê zerdî bivîno. Bawer bibê meşte do yew berê ma nêceno. Na yewe ra ma bi xo berê xo akerê, vejîyê kûçeyan.“