Wekîla DEM Partî ya Dîlokî Sevda Karaca birê Dewaya Kobanê ANFyî rê ercnayî.

Sevda ard ziwan ke na dewa dewayêka kumpasê sîyasîyî bîya û vat: ''Birê na dewa mojnenê ke sermaye babeta rejîmê qesre û meseleya kurdan de goreyê menfaetanê xo têgêrena. Nê birî mojnenê ke kumpaso sîyasî do dewam bikero. Îqtîdarî cewabê 'Ez do sey şûrê demoklasî serê şima de biba' dayo haştîwazan. Îqtîdarî vatbi ke verê waştişanê şarî de tawîz do nêdo.''

Sevda Karaca da zanayene ke îqtîdarî vateyê nermbîyayîşî seba xurtkerdişê xo û menfaetanê sermaye şuxilnayê û vat: ''Bi qiseyanê nermbîyayîş û asayîbîyayîşî îqtîdar xo û sermaye xurt keno. Ne heqê kedkaran ne zî heqê kurdan xemê îqtîdarî de yê. Îqtîdar  zaneno ke çira 31ê adare de bin kewto. Nika seba ke binkewtişê xo binimno wina têgêreno. Seba ke bindestî heqanê xo bigêrê nika ra pey hanî ma hîna qerardar bibê. Ganî ma ney cade bikerê. Hinî têkoşîno yewbîyaye hîna zaf lazim o.''