Bajarê Bremenî yê Almanya de bi wesîleya serrgêra ci ya 10. Qirkerdişê Êzidîyan ê Şingalî ame protestokerdene û qûrbanî ameyî yadkerdene.

Çalakîye de ya ke verê Parlamentoyê Eyaletî yê Bremenî de ameye kerdene, vilaweka Sîwana Meclîsên Jinên Êzîdî (SMJÊ) ameye wendene. Wilaweke de wina  ame vatene: ''Waştişê DAÎŞî çînkerdişê êzidîyan bi. Hêzanê Pawitişî yê Êzdixanî û YPG û YPJyî êzidîyî xelisnayî.'' Reyna ame vengdayene wa  Şingal de statuyo xoser ê Êzidxanî bêro naskerdene û rîyê hêrişanê dewleta tirke ra herême firnayîşê teyarayan rê bêro qefilnayene.