Îdarekarê çeteyî Sedat Pekerî ewro vîdeoyê xo yê hewtinî înternet de pare kerd. Pekerî nîşan da ke qetilkerdişê Ugur Mumcu û merdimê karî yê kurdan de engişta Wezîrê Karanê Zereyî yo verênî Mehmet Agar û Endamê MÎTî Korkut Erkenî esta.

Pekerî derheqê qetilkerdişê Mumcuyî de Mehmet Agar sey qetilkarî name kerd û nîşan da ke engişta ey qetilkedişê vera merdimanê karî yê kurdan de zî esta. Pekerî nameyê Behçet Canturk, Huseyîn Baybaşin û Savaş Buldanî kerdî rêz û vat: ''Nê hemeyan ra pere girewt. Her gureyê ci hal kerdêne. Semedê pakkerdişê xo Heyetê Emnîyetî yê Neteweyî (MGK) rê yew pêşkêşkerdiş kerd. O wext Tansu xanime o îkna kerd. Dima ra dest pê mirnayîşê hemeyan kerd.''

Cinîya  Savaş Buldanî yo ke 1994 de bado ke ame destbendkerdene ame qetilkerdene û Hemsereka Pêroyî ya HDPyî Pervîne Buldan badê îtîrafanê Pekerî eşkeraye daye. Buldane vat: ''Bi serran ma vat, nika reyna vanê. Sevaş Buldan û embazê ci hetê îdarekaranê dewlete ra ameyî kiştene. Qetilkarî têna sey xapînayîşî ameyî muhakemekerdene û beraat kerd. Nika ma reyna agêrenê vernî û semedê muhakemekerdişê înan ma do têbigêrê.''