Hemsereka Pêroyî ya HDPyî Pervîn Buldane kombiyayîşê grûba partîya xo de qisey kerd û mesajê muhîmî dayî.

Kombiyayîşê nê hewteyî ke serrgêra 6. ê HDPyî de ame viraştene îdarekarê xeylî sendîqayan û dezgehê sivîlan zî tewrê ci bîyî.

MÎRASÊ HDPYÎ GIRD O

Buldane vist vîrî ke HDP heme nasname û îtîqatan temsîl kena û va: ‘‘HDPyî qoqê xo xorî de ca kerdî. Mazlûm Doganan ra heta Mehmet Tûnç û Asya Yukselan, Sakîneyan ra heta Sêvêyan mîrasêko gird ma rê mendo û ma xetê şehîdanê xo de do têkoşîn berz bikerê.‘‘

BI TÊKOŞÎNÎ DO TECRÎD BÊRO ŞIKNAYENE

Buldane Rayberê Şarê Kurdî Abdullah Ocalanî zî silam kerd û wina dewam kerd: ‘‘Mîmarê fîkrîyatê HDPyî bêşik Birêz Ocalan o. Bi waştişê yewbîyayîşê şaranê Tirkiya HDP ame ronayene û hêzê xo zî yewbîyayîşê şaran ra geno. Seba şiknayîşê tecrîdî zî lazim o ke ma birêxistin têbigêrî.‘‘

MA NÊQEDÎYENÎ

Buldane operasyonê qirkerdişê sîyasîyî ser zî nê vatî: ‘‘Ma nêqedîyenî, nêşinê, do meşorî. Eşkera yo ke weçînayîşê cayîyî ra tersenê. Erdogan fekê xo ra qeyûm war nêdano. Nê pêro tersî ra yî. Reyêk ke diyena HDPyî tena reyêk nîya, îradeyêk a. Ma sey her weçînayîşî do nê de zî serkewtiş bifînî dest. Naye xo vîra nêkerin, şarê kurdî şarêko rêzdar o û sey timî ewro ra tepîya zî do wayîr erjanê xo bivejîyo.‘‘