Wezaretê Edaletî xîret keno ke tehqîqatê Cemîl Kirbayirî biqefilno. Pervîne Buldan vera babete nêrazîbîyayîşê xo mojna.

Cemîl Kirbayir Darbeya 12ê Êlule ra dima 13ê êlule de Erdexan de dewa xo ra hetê dewlete ra ame girewtene û a roje ra nata tira xeberêke zî nêameye girewtene. 5ê sibata 2011î de serwezîrê ê çaxî Erdogan Qesra Dolmabahçe de Mayanê Şemeyî reyde pêvînayîş kerd.Dadîya Cemîl Kirbayirî Dayîke Berfoya 103 serre zî tewra pêvînayişî bibî. Erdoganî soz dabi Dayîke Berfo ke hesteyanê lajê ci bivîno. 

Hem no soz nêame caardene hem zî Wezaretê Edaletî nika xîret keno ke tehqîqatê Kirbayirî bi bahaneya 'serê ci ra xeylêk wext vîyart' biqefilno.

Hemsereka HDPyî Pervîne Buldan hesabê xo yê twitterî ser o wina nêrazîbîyayîşê xo mojna: ''Ma  nêverdê ke na dosyaya Cemîlî bêra girewtene. Ma sozê xo tepişê û  waştişê Dayîke Berfo bîyarê ca, ma wayîrê waştişê ci vejîyê.''