Buroya Huqûqî ya Asrinî derheqê beyanatê wedartişê qedexeyê avûkatanê Ocalanî yê  pêvînayîşê avûkatan ê Wezîrê Edaetî yê Tirkî Abdulhamît Gulî de eşkerayîyêk daye.

Eşkerayîye de ca dîya nînan: ‘’Wezîrîya Edaletî da zanayene ke mehkema qerarar girewto ke hînî do  pêvînayîşanê avûkatanê muvakîlê ma Birêz Abdullah Ocalanî dir tengayî nêvejîyê. Ma 6’ê Gulane de eşkerayîya xo de dabi zanayene ke ma 2’ê Gulane de muvekîlê xo Birêz Abdullah Ocalanî dir pêvînayîş kerdo û ma dabi pêhesnayene ke îtîrazê ma ameyo qebûlkerdene û qedexeyê pêvînayîşî hetê mehkemaya Cezeya Girane ya Bûrsa ra ameyo wedartene. La rixmê naye 2’ê Gulane ra muracatê ma dewam kenî la ma hema pêvînayîşo bîn nêkerd. Rîyê cezaya disîplînî ya 22’ê Nîsan a 2019’î ê Birêz Ocalanî  ya ke newe dîyaya ci, destûrê pêvînayîşî nêdanê. Goreyê eşkerayîya Wezîrîya Edaletî seba ke qerarêko xora goreyê huqûqî nêbi ameyo wedarnayene, ganî pêvînayîşê avûkan binîzamî bêrê viraştene û heme heqê Birêz Ocalanî yê bînî bêrê bicaardene. Goreyê naye ma heme mekanîzmayê edaletî û  dezgahanê berpisîyaran ra pawenê ke wa goreyê  huqûqî têbigêrê.

CPT’yî Îmrali ziyaret kerd

Hetê bînî ra ame parekerdene ke Komîteya Vernîgirewtişê Îşkenceyî (CPT) menga Nîsana 2016’î ra dima reya verêne Îmrai ziyaret kerd. CPT ganî derheqê zîyaretî de raporê xo rayapêroyî dir pare bikero  û teqîpkarê prosesi bo.’’