Buroyê Huqûqî yê Asrinî derheqê pêvînayîşê Rayberê Şarê Kurdî Abdullah Ocalanî de eşkerayîye daye û nê pare kerdî:

''Serdozgerîye ra veng dîya keyeyanê muwekîlanê ma birêz Abdullah Ocalan, birêz Omer Hayrî Konar, birêz Hamîlî Yildirim û bizêr Veysî Aktîşî ke wa heqê xo yê telefonî bişuxulnê. Hela birayê birêz Ocalanî qisey kerdêne pêvînayîş birîya û dewamê pêvînayîşî nêame kerdene. Pêvînayîşê Hamîlî Yildirimî zî zaf kilm bi.  Omer Hayrî Konar û Veysî Aktaş zî semedê protestokerdişê tecrîdî pêvînayîş qebul nêkerd.

Xora seke yeno zanayene ma 27ê nîsane ya 2020î ra birêz Ocalanî ra xebere nêgenê û 14ê adere ya 2021î de medyaya sosyale de derheqê cuya ey de xeberî vila bîyî. Badê nê îdîayan ma her roje muracatê pêvînayîşê rî bi rî kenê la ma qet cewabêk nêgirewt.

Ewro zî ma derheqê weşîya birêz Ocalanî de zanayîşo zelal nêgirewt. Waştişê ma yê pêvînayîşê Îmraliyî dewam keno. Birêz Ocalanî qiseykerdişê xo de vato ganî pêvînayîş bêro kerdene û dima telefon birîyayo. Ma reyna veng danê ke wa berpirsîyarî goreyê huqûqî têbigêrê.''