Endamo verên ê  Meclîsê Partîye yê DBPyî Mehmet Candemîr (60) Zîndanê Espîye yê Gîresunî de amebi qetilkerdene. Candemîr Êlih de ame definkerdene.

Pîya bi merdimanê Candemîrî, aktîvîstê TJA, Hemserekê Pêroyî yê DBPyî Salîha Aydenîz û Keskîn Bayindir,wekîlê HDPyî Ayşe Acar Başaran, Feleknase Uca û Mehmet Ruştu Tirkyakî, hemşaredarê verênî yê Êlihî Songule Korkmaz û Mehmet Demîr, Dayîkê Haştîye, temsîlkarê MEBYA-DER, TUAY-DER û rêxistinanê komelê sîvîlî yê dezgehê tewrê merasîmî bîyî.

Cenazaya Candemîrî hetê merdimanê ci ra vizêr veraşan Amedî ra pê konvoyî ameye berdene Êlîh. Leşkeran Firêsîra de verê konvoy girewt, bado ke şarî nêrazîbîyayîş moja verê konvoyî ame kerdene. Cenaza Goristanê Asrî de hetê bi hezaran kesan ra bi slogananê Şehîd nêmirenî ameye verwazîkerdene. Badê caardişê wecîbîyanê dînîyan cenaza bi rayraşîyayîşî heta gorê ci ameye berdene.

Hemsereka Pêroyî ya DBP Salîha Aydenîz merasîm de qisey kerd. Aydenîze bale ante ser ke bi hezaran kesî bi huqûqê dişmenîye zîndanan de yenê tepiştene û vat: ''Embazê ma Mehmeto ke zîndan de sey rehîn ameyêne tepişdene şehîd bi. Şehîd Mehmet semedê şarê xo emrê xo da. Ma do rayîrê ey de têkoşînê xo pîlêr bikerê û têkoşînê ey biresnê serekewtişî.''

Keyeyê Candemîrî Şînxaneyê taxa 19ê  Gulane de tezîya na ro.