Seba yadkerdişê qurbananê Qirkerdişanê Parisî yê 9ê Çeleyê 2013î û 23yê Kanûna 2022yî 11ê çeleyî de Paris de, Gare Du Nord de rayraşîyayîş û mîtîngêk do bêrê kerdene. Hemserekê Komelê Demokratîkî yê Kurdan ê Fransa (CDK-F) Şahîn Polatî venga her kesî da ke tewrê çalakîyan bibê.

Polatî vat: ''Ma serrgêra Qirkerdişê Parisî yê Yewinî de yê. 9ê çeleyê 2013î de Sakîne Cansiz, Fîdane Dogan û Leyla Şaylemez Paris de ameybî qetilkerdene. Rayberê ma no qirkerdiş sey 'Terteleyê Dêrsimî yê Diyînî' pênase kerdbi. Şexsê Sakîne Cansiz de qirkerdiş vera paradîgmaya demokratîke, ekolojîke û azadîgîrîya cinîyan amebi kerdene. Heta ke edalet bêro caardene, heta ke serê nê qirkerdişî bêro roşnîkerdene ma do têkoşîn bikerê. 

Bi na wesîle ma do 11ê çeleyî de saete 10.00 de Gare Du Nord de kom bibê. Ma venga pêro dostanê xo, embazanê xo danê ke nê wextê tarîxîyî de seba pawitişê Rojawanî, seba pawitişê xeta azadîya cinîyan, seba ke kiştoxan ra hesab bipersê, seba xurtkerdişê destê Rayberê xo, seba çareserîya meseleya kurdan û statuyê Kurdîstanî tewrê nê rayraşîyayîşî bibê.''