Xeylê şaristanan de hêrişê vera Rojawanî ameyî protestokerdene û venga pêro kesan dîya ke paştî bidê Rojawanî.

Şaristanê Osloyî yê Norwêçî de serkêşîya NCDK-OSLO û Solidaritet med Kurdistanî de çalakîya paştdayîşê Rojawanî ameye kerdene. Çalakîye de venga hukmatê Norwêçî dîya ke wa têkilîyanê xo yê bi dewleta tirke bibirno û paştî bido Rojawanî. Çalakîyan de alê YPG û YPJyî ameyî kiriştene, sloganî ameyî vatene. 

Şaristanê Essenî yê Almanya de ciwananê kurdîstanijan seba vindarnayîşê hêrişanê vera Rojawanî rayraşîyayîş kerd. Ciwanan sloganê sey  “Bijî yekîtiya gelê Kurd”, “Bijî berxwedana YPG’ê”, “Bijî berxwedana YPJ’ê”, “Bijî berxwedana QSD’ê” û “Faşîst Erdogan” vatî, Merşê Çerxa Şoreşê wend û broşurê agahdarkerdişî vila kerdî.