Herêma Besta ya Şirnexî de 22ê çeleyî de 6 gerîlayê YJA Starî şehîd bibî. Cenazaya gerîlaya YJA Starî Evîne Encu badê 11 rojan ameye dayene.

Keyeyê Evîne rixmo ke roja verêne cenazaya xo teşhîs kerde, 11 rojan de 3 reyî ame merkezê bajarî semedê girewtişê cenaza muracat kerd la seba ke qoricî Nimet Encuyo eynî pêkewtişî de merd, merdimê aye yo cenaza nêdîyaye.

Keyeyî badê 11 rojan cenazaya xo morgê Nêweşxaneyê Dewlete yê Şirnexî ra girewte û berde dewa Bêcehî ya qezaya Qilebanî. Tîya badê caardişê vecîbeyanê dînîyan, cenaza binê ablûqaya polîsan de ameye definkerdene.

Cenazayê 5 gerîlayanê YJA Starî hetê keyeyanê înan ra ameyî definkerdene la cenazayêke semedê teşhîsî yena pawitene.