Gerîlaya YJA Starî Zana Kiliçoglu (Zana Vejîn Gever) par menga tebaxe de dewa Tilora ya Geverê Colemêrgî de pîya bi 5 embazanê xo şehîde bibî. Cenazaya Kiliçogu badê 9 mengan dîyaye keyeyê ci.

Keyeyê cenazaya xo goristanê bêkesan yê Colemêrgî ra girewt. Dewleta tirke wesayîtê cenaza û tabût nêdayî keyeyî. Keyeyî pê îmkananê xo cenazaya xo ard qezaya Geverî û waşt cenazaya kênaya xo goristanê taxa Ormanî de defin bikero  la Mudirîya Asayîşî ya Geverî destûr nêda. Naye sero cenaza Goristanê Bajêrge de ameye definkerdene. Polîsan destûr nêda bi seyan kesî debikewê goristanî û xebata rojnamegeran zî ameye astengkerdene. Dayîke Gulsun Kiliçogu vat a do vera nê caardişanê vera merdimîye serê gorê kênaya xo de mebermo. Kilioglu vera polîsan hêrsê xo ard ziwan û vat sereyê aye pê kênaya ci berz o, coka a do mebermo. Keyeyî  taxa Cumhurîyetî de keyeyê xo de tezîye naye ro.