Yeno texmînkerdene ke cenazaya koçberî ya ke Sariçîmen de ameye dîyene 13 koçberan ra yew bi ke 8ê sibate de serdî ra merdbi.

Walîyê Wanî parekerdbi ke şert û mercanê xedaran ê hewayî ra ê nêeşkenê xo biresnê herême, têna ardbi ziwan ke ê do babete ser o cigêrayîş bikerê. Dima ke rewşa hewayî bîye baş cigêrayîş ame kerdene û cenazaya koçberêkî ameye dîyene. Cenaza ameye berdene bi Nêweşxaneyê Cigêrayîşî û Perwerdeyî yê Wanî. Seba dîyîşê 12 cenazayan ê bînan zî xebate dewam kena.Goreyê zanayîşanê Şubeyê Komeleya Heqanê Merdiman (ÎHD) kesê ke serdî ra merdî 10ê ci afgan ê, 3ê ci zî kurdê Kobanê yê.