CENEVRE

Cenevre de kurdîstanijî verê banê Merkezê Heqanê Merdiman yê Yewîya Miletan (YM) de ameyî têhet û bi rayîrraşîyayîşêk hêrişê dewleta tirkî û bêvengîya Ewropa şermezar kerd.

Bado zî bi eşkerayîyêk ame vatene ke Erdogan kurdan qetil keno û hêzê mîyanneteweyîye zî bi bêvengîya xo paştî danî ci la şaro kurd û dostê ci bi ruhê Kobanê do vernîya naye bîgirî.

BERN

Bern de zî bi heman waştişî kurdîstanijî û dostê ci kuçeyan de bî. Çalakwanan  posterê Ocalanî û alayê PKK, YPG û YPJyî kiriştî û bi slogana ‘‘Erdogano terorîrst‘‘ bale ante hêrişê dewleta tirkî ser. Qiseykerdiş de derheqê hêrişî de zanayîş dîya û îdarekaranê welatanê Ewropa ra ame waştene ke hemverê nê hêrişan de bêveng memanî.

Çalakwanan bi sloganê ‘‘Kobanê do faşîzmî rê goristan bo‘‘ û ‘‘ Bicuyo Rayber Apo’‘ yî rayîr ra şîyî û da zanayene ke heta vindertişê hêrişan û azadîya Ocalanî ê do çalakîyan rê dewam bikerî.