Bajarê Cenevere yê Sîwsre de kurdê ke verê bînaya Neteweyanê Yewbîyayeyan (NY) ameyî têhet pê çalakîya roniştişî bale ante hêrişanê kîmyewîyan dewleta tirke ser û bêvengîya Ewropa şermezar kerde.

Çalakîya ke bê rezgirewtişî destpêkerde de xoverdayîşê gerîlayan ame selamkerdene. Çalakwananê ke sey sembolê çekanê kîmyewîyan kincê sipî kerdî û piray û maskeyê gazî kerdî pa fotografê 15 gerîlayanê ke hêrişanê kîmyewîyan de şehîd bîyî kiriştî.

Hemserekanê CDK Cenevre Mulkîye Aşirbaev û Erdal Atasoyî ke çalakîye de qisey kerd semedê xurtkerdişê têkoşînî veng da. Hemserekan veng da NYyî ke wa wayîrê qeraranê xo vejîyo û ceza bide kesanê ke çekanê kîmyewîyan şuxulnenê.

Çalakwanan semedê tewrbîyayîşê çalakîya roniştişî ya ke do heta roja îne dewam bikero û rayraşîyayîşê roja şemeyî veng da.