Qezaya Dortyolî ya Hatayî de şayîya Newroze ya 2015î ra dima vera Mencîye Ormana (67) û kênaya ci Şahîde Orman Ozek seba ke Newroze de şala keskûsûrûzerd kerde pa bi îdîaya 'propagandaya rêxistine' dewa amebî akerdene.

Roniştişo verên ê dewa Mehkemeya Cezaya Girane ya Hatayî de ame kerdene.

Heyetê mehkeme pê sûcdarîya 'propagandayan rêxistine' cezaya zîndanî ya 10 mengan daye Mencîye Orman û eşkerakerdişê hukmî peyde eşt.

Roniştişê dewaya vera Şahîde Orman seba ke a Nêweşxaneyê Nêweşîyanê Ruh û Sînîrî yê Adana de tedawî vînena, ame taloqkerdene.