Wekîla HDPyî ya Elîhî Feleknase Uca tecrîdo giran ê serê Rayberê Şarê Kurdî Abdullah Ocalanî, Wezîrê Karanê Edaletî Bekîr Bozdagî ra persayî.

Vernîyazê nuştekîye de ame vatene ke muracatê keye û avûkatanê Abdullah Ocalanî  bi bahaneyê ''cezaya dîsîplînî'' û ''qedexeyê pêvînayîşî'' yenê astenkerdene û derheqê Abdullah Ocalan û Omer Hayrî Konar, Veysî Aktaş û Hamîlî Yildirim ê ke eynî zîndan de yê, nê persî ameyî persayene:

''21ê mengan ra zafêr o ke Birêz Ocalan û tepişteyanê bînan ra xebere nîna girewtene, kanalê resnayîşî ameyî astenkerdene. Binê nameyê 'cezaya dîsîplînî' de pêvînayîş yeno qedexekerdene. Şima eşkenê nê eşkera bikerê?

Sebebê cezaya dîsîplînî ya ke dîyena Birêz Abdullah Ocalan, Omer Hayrî Konar, Veysî Aktaş  û Hamîlî Yildirimî çîyo?

Sebebê cezaya dîsîplînî ke dîyena Birêz Ocalan û tepişteyanê bînan û tarîxê ci qey avûtan rê nîno vatene?

Pêvînayîşê Birêz Abdullah Ocalan, Omer Hayrî Konar, Veysî Aktaş û Hamîlî Yildirimî yê bi keyeyan û avûtanê înan yeno astenkerdene. Cayê nê huqûq de est o?

Qey şima semedê nê  caardişê ke madeyê qedexeyê îşkenceyî yê Pêkerdişê Heqanê Merdiman ê Ewropa binpay keno, israr kenê?