CHP do vera hêrişî heme bajaran de eşkerayî bido
Serekê Pêroyî yê CHP’yî Kemal Kiliçdaroglu vizêr hetê yew grûbe ra raştê hêrişî amebi. CHP’yî vera naye qerar girewt ke 81 bajaran de ê do heman wextî de eşkerayî bidê.
Rêxistinê CHP’yî vera hêrişo ke Serekê Pêroyî yê partîya înan Kemal Kiliçdarogluyî rê vizêr ame kerdene, ewro do heme bajaran de vejîyê kuçeyan û bi eşkerayîyan hêrişî protesto bikerê.
Eşkerayîye de ame vatene ke no hêriş ameyo organîzekerdene. Xora heme hetê ke vera hêrişî reaksîyon danê, AKP-MHP’yî sey berpisîyarê nê hêrişî vînenê. Medyaya AKP’yî roja hêrişî CHP sey hedef ramojnabi.
