Makbule Ozer nêweşxane ra hêna şawîyaye zîndan
Makbule Ozera extîyare û nêweşe ya ke bîlasebeb ameybî tepiştene hêna wedarîyaye nêweşxane û peyser şawîyaye zîndan. Ozera ke nêeşkena miqatê xo bo zîndan de rewşa ci xirabêre bena.
Qezaya Artemêtanî ya Wanî de Makbule Ozera 80 serre û astengdare pa mêrdeyê xo menga gulane de bi îdîaya 'hetkarîya rêxistine' ameybî tepiştene.
Makbule Ozera ke 83 rojî yo Zîndanê Tîpê Tyî yê Wanî de sey rehîne yena tepiştene bi şikê janê Korona wedarîyaye nêweşxane. Neweşxane de bado ke serûm ame pakerdene Ozere hêna şawîyaye zîndan.
Rixmê heme muracatanê avûkatan Ozere ne yena veradayene ne zî cezaya ci ya zîndanî açarîyena hepsê keyeyî.
