Çarçeweya hemleya Rayber Apoyî rê azadîye, meseleya kurdan rê çareserîye de 16ê teşrîna peyêne de bajarê Kolnî yê Almanya de do rayraşîyayîş bêro kerdene.

Endamê têgêrayîşê ciwananê kurdan ê Ewropa yê ke Koln de hazirîya rayraşîyayîşî kenê semedê tewrbîyayîşê rayraşîyayîşî veng da.

Endamê TCŞyî Îlhamî Zapî vat: ''Ma do Koln de semedê azadîya fîzîkîye ya Rayber Apoyî erd û azmînî bizilzilnê. Ma do cewabê dişmenî bidê û tecrîdî bişiknê.''

Endama TekoJIN Meleke Guneş vat: ''Ma 16ê teşrîna peyêne de sey ciwananê şorişgêran ê kurdan û enternasyonalîstan Koln de bêrê têhet. Kuçeyê Kolnî do bi waştişê azadîya Rayber Apoyî bizimê.''

Endamê TCŞyî Mehmet Amanos û Azîz Aksoyî zî veng da ciwananê kurdan  ke wa semedê azadîya Rayber Apoyî 16ê teşrîna peyêne de verê xo bidê Kolnî.