Şaristanê Torontoyî yê Kanada de bi hezaran kurdîstanijan û dostanê înan seba azadîya Rayber Apoyî çalakîyêke kerde.  Çalakîkeran posterê Rayber Apoyî û pankartê ''Rayber Apoyî rê Azadîye'' akerde.

Çalakîkeran dîyar kerd ke azadîya Rayber Apoyî hêvîya haştîye ya kurdan a.

Çalakîkeranê ke kincê neteweyîy dabî xo ra, bi deyîranê kurdkî govende girewte û sloganê sey "Bijî Serok Apo", "Duh Mandela îro Ocalan", "Ji Ocalan re azadî", "Bê Serok jiyan nabe", "Bijî berxwedana gerîla", "Jin. Jiyan azadî" vatî.

Çalakîye de bi hezaran vilawekî ameyî vilakerdene. Deqayêkê rêzgirewtişî ra dima mîtîngî dest pêkerd. Hemserekanê Komeleya Kurdan a Kanada xîtabê girseyî kerd û pare kerd ke ganî esaretê Rayber Apoyî biqedo.

Çalakîkeran venga Neteweyanê Yewbîyayeyan û hukmatê Kanada da ke ganî hinî Rayber Apo azad bibo.

Çalakîye bi sloganan qedîyaye.