Temsîlkaranê dezgehanê kurdîstanijan venga pêro kesan da ke tewrê rayraşîyayîş û mîtîngê Kolnî yê 16ê teşrîna peyêne bibê.

Serekê Têgêrayîşê Alîmanê Îslamî û Kurdîstanî yê Modernî Hafiz Ahmet Tûrhalli: Dardekerdişê Şêx Seîdî 100 serrî xo pey de verdayî. 29ê hezîrane de Şêx Seîd amebi dardekerdene û 29ê hezîrane de cezaya dardekerdişî dîyabi Rayber Apoyî. Seba awankerdişê yewîye ma ganî Koln de kom bibê. Kurdî û dostê  kurdan wa bimojnê dinya de ma do têkoşînî rê dewam bikerê.

Hemserekê FED-MEDî Ahmet Kobanê: Netîceya têkoşînê şarê ma de Rayber Apoyî de pêvînayîş ame kerdene. La waştişê ma teyna pêvînayîşêk ney azadîya Rayber Apoyî ya. Ma venga şarê xo, dostanê ma û haştîgîran danê ke 16ê teşrîna peyêne de tewrê çalakîyanê Kolnî bibê.

Endamê Koordînasyonê NAV-YEKî Haci Çelîk: Ganî kurdî sey erkêkî tewrê çalakîyanê Kolnî bibê. Ma do seba azadîya Rayber Apoyî a roje bêrê pêser.

Hemserekê NCDKyî yê Duisburgî Yilmaz Ronî: Wa şarê ma Hemleya Azadîye pîlêr bikero û bi xurtî tewrê ci bibo. Wa şarê ma 16ê teşrîna peyêne de Koln de bibo.

Siyasetmedar Pero Dundar: Emser ma Rayberîye ra mesajêk girewt. Ganî ma nê mesajî bi xurtî biresnê dinya. Wa şarê ma, cinî, ciwan, kokimî 16ê teşrîna peyêne de Koln de bibê.