Xeylêk şaristanan de seba rayraşîyayîş û mîtîngê Kolnî kombîyayîşê şarî ameyî kerdene. Kombîyayîşan de venga pêro kurdîstanijan dîya ke wa tewrê çalakîyanê Kolnî bibê.

Şaristanê Dresdenî yê Almanya de bi beşdarîya Hemserekê KON-MEDî Kerem Gok, Hemserekê FED-KURDî Menderes Canbekî, sîyasetmedaran Dîleke Ocalan û Necdet Atalayî kombîyayîşê şarî ame kerdene. Kombîyayîş de ame parekerdene ke ganî kurdîstanijî 16ê teşrîna peyêne de Koln de azadîya Rayber Apoyî biqîrê.

Şaristanê Parisî yê Fransa de, banlîyoyê Drancyî de bi beşdarîya Hemsereka KCDK-E Zubeyde Zumrut û Hemserekê Konseya Kurdan a Demokratîke ya Fransa Şahîn Polatî kombîyayîşê şarî ame kerdene. Kombîyayîş de wina ame vatene: ''Ma do Koln de azadîya Rayber Apoyî biwazê. Ganî ma sîstemê Îmraliyî birijnê.

Şaristanê Kolnî yê Almanya de bi beşdarîya hunermendan Seyda Perînçek û Hozan Comêrdî amadekarîyî ameyî kerdene. Hunermendan venga pêro kurdîstanijan da ke wa tewrê çalakîyanê Kolnî bibê.