Ewropa de tecrîdê Îmraliyî û rojdemî ser o kombîyayîşê şarî ameyî kerdene. Kombîyayîşan de venga her kesî dîya ke wa tewrê rayraşîyayîş û mîtîngê Kolnî yê 16ê teşrîna peyêne bibo.

Şaristanê Stuttgartî yê Almanya de derheqê tecrîdê Îmraliyî û rojdemî de kombîyayîşê şarî ame kerdene. Avûkatanê Rayber Apoyî ra Mahmut Şakarî kombîyayîş de qisey kerd. Kombîyayîş de venga pêro kesan dîya ke tewrê rayraşîyayîşê Kolnî bibê.

Şaristanê Bellinzona yê Swîsre de venga pêro kurdîstanijan û dostanê înan dîya ke biherikê Kolnî, tecrîdî bişiknê û Rayber Apoyî azad bikerê.

Şaristanê Nurnbergî yê Almanya de Hemserekê KON-MEDî Kerem Gokî pare kerd ke ganî 16ê teşrîna peyêne de cuye vindera û pêro kurdîstanijî verê xo bidê Kolnî.