Têgêrayîşê ciwananê Kurdîstanî Tevgera Ciwanên Şoreşger (TCŞ), Jinên Ciwanên Tekoşer (TekoJIN) û ciwananê enternasyonalîstan seba ke paştî dana şerê dewleta tirke yê vera kurdan Partîya Yewîye90/Keskan protesto kerd.

Ciwanê ke kewtî salona Partîya Yewîye90/Keskan hukmatê almanî ra waşt ke wa hemkarîya leymine ya bi dewleta tirke caverdo.

Ciwanan bale ante hêrişê dewleta tirke yê vera Rojawanî ser û vat: ''Dewleta tirke herêmê ke DAÎŞî ra ameyî xelisnayene de qirkerdişan kena. Warê xizmetî dîyenî bombayan ver. 25 serrî yo Îmrali de tecrîdê verê Rayberê Şarê Kurdî Abdullah Ocalanî dewam keno. Berpirsîyarê nînan dewleta almanî ya. Almanya seba ke semedê azadîya Abdullah Ocalanî û çarserkerdişê meseleya tirke nêşina Tirkîya ser sûcdar a. Almanya de kurdî yenê tebersînorkerdene û hepskerdene.

Zîndananê Vakurê Kurdîstanî û Tirkîya de tepişteyî grevê vêşanîye de yê. Eke waştişê tepitşeyan mero ca beno ke rewşe bibo xirabêr. Coka ma hukmatê Almanya ra wazenê ke vera hêrişanê dewleta tirke tewiro zelal ramono û semedê çareserîye wa Abdullah Ocalan serbest bêro  veradayene.''