Ciwananê kurdan bajarê Strasbourgî yê Fransa de semedê azadîya Rayberê Şarê Kurdî Abdullah Ocalanî Komîteya Vergirewtişê Îşkenceyî (CPT) de çalakîya bêîteatîya sîvîle kerde.

Ciwanê ke bi posteranê Abdullah Ocalanî û pankertê ke azadîya ey wazenê kewtî banê CPTyî rixmê astengkerdişan çalakîya xo domnaye. Çalakîya ke serê sibayî saete 10.00 de dest pêkerde di saete dewam kerde. Polîsan bi gazê îsotî û copan hêrişê ciwanan kerd.

Ciwananê ke derheqê çalakîye de eşkerayîye daye tecrîd û îşkence 25 serran ê Îmraliyî vist vîrî û vat: ''No tecrîd vera heme şarê kurdî yeno kerdene. Rayber Apo nêeşkeno keye û avûkatanê xo reyde pêvînayîş bikero. CPT îşkenceyê Îmraliyî nêvînayîşî ra yeno. Parlamentoyê Ewropa qeraranê xo nêano ca. Ma sey ciwananê kurdan bi na çalakîya xo vanê ke wa Ewropa sîyasetê xo yê leyminî yê vera Rayber Apoyî cavedo. Nê sîyasetê bêhuqûqî ceverdê. Şarê kurdî do çirey verê şima de milê xo çewt nêkero.''