Ciwananê kurdan seba ke bale biancê tecrîdê Rayberê Şarê Kurdî Abdullah Ocalan ser, bajarê Strasbourgî yê Fransa de Konseya Ewropa de çalakîya bêîteatîya sîvîle kerde.

Ciwanê kurdan ê ke verê banê Konseya Ewropa de ameyî têhet flamayê bi fotografanê Rayberê Şarê Kurdî Abdullah Ocalanî kiriştî û slogana "Bijî Serok APO" vatî

Ciwanan eşkerayîya xo de nê vatî: "Ma sey ciwanan xeylêk welatanê Ewropa û dinya ra ewro tîya ameyî têhet. Konseya Ewropa semedê garantîya heqanê merdiman ameya ronayene. Coka berpirsîyarîyê ci yê zere û tewberê Ewropa zaf ê. Ma vînenê ke Konseya Ewropa berpirsîyarîyanê xo nêana ca. Rayber Apo 25 serran ra zafêr o ke sîstemê îşkenceyî yê Îmrali de têna hucreyêk de maneno. Hayî her kesî rewşa heqanê merdiman a Tirkîya est a.  Zîndanî bi tepişteyanê sîyasîyan ameyî pirrkerdene. Nizdê hîrê serran o ke Rayber Apoyî ra qet xebere nîna girewtene.  Ma ewro ameyî tîya ke na bêvengîye protesto biker.  Na çalakîye heqê ma yo esasî yê heqanê merdiman o. Wa CPT cade derheqê pêvînayîşê xo yê peyênî de raporê xo eşkera bikero. Ma wazenê netîceya pêvînayîşê Sekretera Konseya Ewropa Manja Pejcinovi Buriç û Wezîrê Karanê Teberî yê Tirkîya Hakan Fîdanî yo ke vizêr ame kerdene, zî bimusê. Ma wazenê wa Komîteya Wezîran kombîyayîşê xo yê bînî de rewşa Rayber Apoyî bikero rojdemê xo. Ma wazenê wa tecrîdê serê Rayber Apoyî bêro wedaritene."

Polîsanê Fransa bi şîdetî ciwanî destbend kerdî. Ciwanê ke ameyî kelemçekerdene û raştê şîdetî ameyî sloganê sey , “Bijî Serok Apo”, “Bê Serok Jiyan Nabe” vatî.