Ciwananê welatperweran grevê vêşanîye yê Silêmanî dewr girewt
Silêmanî de grevê vêşanîye yê seba wedaritişê tecrîdî roja 152’ine de dewam keno. Têgêrayîşê Ciwanan ê Welatperweran çalakîye dewr girewte.
Seba wedaritişê tecrîdê serê Rayberê Şarê Kurdî Abdullah Ocalanî bi serkêşîya Komela Karkeran a Mezopotamya ya Silêmanî 12’ê Kanûne 2018 de grevê vêşanîye amebi destpêkerdene. Çalakîye roja 152’ine de dewam kena û gruba 77’’ine çalakîye dewr girewte.
Ciwanan bi slogana ‘Biciwîyo Serek Apo’ çalakîye dewr girewte. Ciwano bi nameyê Ehmed Bekîrî tîya de qiseykerdişêk kerd û vat ke, “Na çalakîye seba şarê Kurdî û merdimîye ya. Ma vengdayîş bi ciwanan kenê ke seba wedaritişê tecrîdî wa tewrê xoverdayîşî bibê.”
