Ciwanê kurdan ê ke seva artêşa tirkî eskerî kenê zî yew bi yew yenê kiştene. Her çend dewleta tirkî, îdîa kena ke nê ciwanî xo kişenê, nê îdîayî bêserûbin ê û yeno vatene ke nê kiştişan rê sûsê xokiştişî yeno dayene.

Ame îdîakerdene ke qezaya Altindagî ya Enqere de, Gazînoyê Mehmetçîkî yê semtê Ulusî de Mehmet Boztepeyê Rihayijî xo kişto. 

Keyeyê ci yo ke ame şaristan proseduranê otopsîye ra dima cenazeya Boztepeyî girewte û ame zanayene ke do qezaya Hewengî ya Riha de bêro definkerdene.

ZÛRA XOKIŞTIŞÎ NEWE NÊYA

Hetêna ra amebi îdîakerdene ke leşkero Rihayij Omer Farûk Demîrkolî zî Fermandarîya Cendirmeyan a Kilîsî de xo kişto.

Zafê ê kesê ke artêşa tirkî de yeno îdîakerdene ke xo kiştê kurd ê. Ge-gane seva ciwananê ke paştîya xo ra pirodîyayê zî îdîaya xokiştişî yeno kerdene.