Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) çarçewa Hemleya 'Cenga Azadiyê Serbixin' de siba seba azadîya Rayberê Şarê Kurdî Abdullah Ocalanî şaristanê Parisî yê Fransa, şaristanê Dusseldorfî yê Almanya û şaristanê Zurichî yê Swîsre de do vejîyê meydanan.

TCŞ û TÊKO-JIN bi eşkerayîyêka hempare pare kerd ke 28 mengî yo Rayberê Şarê Kurdî Abdullah Ocalanî ra xeberêke nêna girewtene. Ciwanan dîyar kerd ke azadîya Ocalanî mesuldarîya înan a.

Ciwanan eşkerayîya xo de bi kilmî wina vat: ''Ma sey ciwananê kurdîstanijan ê Ewropa ganî bi mesuldarî têbigêrê û nê prosesî bikerê prosesê azadkerdişê Rayber Apoyî. Nê esasî ser o erkê ma yo ke ma pêro ciwanan zî rêxistin bikerê û tewrê çalakîyan bikerê. Ganî ma dormeyê xoverdayîşê gerîlayan de bêrê pêser û têkoşînê vera tecrîdî pîlêr bikerê. Çalakîyê ciwananê kurdan ê Ewropa do qetî azadîya Rayber Apoyî bîyarê ca.

Na çarçewe de ma 29ê temmuze de hemleya çalakîyan danê destpêkerdene. Ma venga pêro ciwananê Ewropa danê ke wayîrê Rayberîye vejîyê, 29ê temmuze de seba azadîya Rayber Apoyî waran de cuye vindarnê.''

Bernameyê çalakîyanê 29ê temmuze wina yo:

Almanya, Dusseldorf, Verê DGB Hausî, Saete: 12.00

Fransa, Paris, Meydanê République, Saete: 17.00

Marsilya, Meydanê Canebière, Saete 19.00

Swîsre, Zurich, Helvetiaplatz, 8004, Saete: 13.00