Eşkerayîya nûştekîye ke hetê Ciwanên Azadî ra amî kerdene wina ya:

“Dewleta tirkî ya faşîste hendî seke zincîranê xo ra bifeletîyo ça kurdêk esto hêrişê ci kena. Erdogano dîktator ke tecrîdê serê Rayber Apoyî hîna kerdo giran ewro fermanê îşxalî yê Rojava dayo. Çend saetî dimayê nê fermanê ê ra artêşa tirkî ya îşxalkare Bakûr ra Rojava hedef girewta, Kantonê Girê Spî bombardûman kerdo. Netîceyê hêrişî de hemrayêkê ma yê endamê yewîya pawitişî şehîd kewto, xeylî kesî zî birîndar bîyê.”

“Wa her ciwanê kurdî bizano ke tenya yew hedefê nê hêrişan esto, o zî bicaardişê qirkerdişê kurdan o. Ganî her ciwanê kurdî hemverê her gule û bombayê ke yenê eştene de hêrsê xo meydanan de ramojno.” 

“Ganî heme ciwanê kurdan hemverê hêrişanê dewleta tirkî de ke wazena Rojava îşxal bikero, vejîyê meydanan û ramojnê ke ê nê hêrişan qebûl nêkenê. Ma veng danê heme ciwanê ma yê ke Ewropa de yê: Hemverê hêrişanê îşxalî yê dewleta tirkî de serre wedarê, Rojava bipawê!”