Rêxistina HDPyî ya Şirnexî bi wesîleya xespkerdişê Şaredarîya Cizîre verê banê partîye de eşkerayîye daye. Wekîlê HEDEPî yê Şirnexî Zekî Irmez û hemşaredarî Mehmet Zirix û Bêrîvane Kutlu yê ke wezîfeyê înan ame xespkerdene, û xeylêk kesî tewrê eşkerayîye bîyî.

Polîsan saetanê serê sibayî de rayîrê ke şinê banê partîye girewtî binê ablûqa û grûba ke waşt banê partîye ra vejîyo teber bi barîyerî verê ci girewt. Astengkerdişê polîsan bi pirodayîşê mertal û beran ame protestokerdene.

Zekî Irmezî bale ante seserra komare ser û vat komare serê xespkerdişê heqanê kurdan ser ameye ronayene. Irmezî vîstvîrî ke serranê 2016 û 2019 de şaredarîyan de qeyûm ame cakerdene û vat ê qeyûman nas nêkenê.

Şaredara Cizîre Bêrîvane Kutlu zî qeyûmî sey bêçareyîya AKPyî name kerd û vat bi destê qeyûman bêhuqûqîye dewam kena.