Colemêrg de heyetê sindoqe hetê AKPyî ra ame parekerdene
Serekê AKPyî yê Colemêrgî dest na lîsteya endamanê heyetê sindoqan ê Heyetê Weçînayîşî yê Şaristanî û lîsteya xo daye Heyetê Weçînayîşî yê Şaristanî.
AKP pê pêro hêzanê dewlete Vakurê Kurdîstanî de mudaxeleyê karanê weçînayîşî keno, teda û zorbazîye keno.
Colemêrg de qasê 200 hezar weçînitoxî est ê û do 590 sindoqan 14ê gulane de bêrê ronayene. Wezîfedarê umûmîye yê ke serê sindoqan de do wezîfe bikerê hetê Heyetê Weçînayîşî yê Şaristanî ra yenê weçînayene.
La Serekê AKPyî yê Colemêrgî Emrullah Gur dest na lîsteya wezîfedaran ser. Gurî wezîfedarê sindoqan pê destê xo weçînayî û lîsteya xo daye Heyetê Weçînayîşî yê Şaristanî.
