5ê temmuza 1991î de Serekê HEPî yê Amedî Vedat Aydin hetê JÎTEMî ra amebi remnayene û qetilkerdene. Bi wesîleya Roşanê Remezanî serkêşîya MEBYA-DERî de serê gorê xo de ame yadkerdene.

DEM Partî, DBP, Meclîsê Cinîyan ê DEM Partî Halîde Turkoglu, Wekîl adalet Kaya, Hemşaredarê Amedî Serra Bucak û Dogan Hatun û hemşaredarê qeza tewrê yadkerdişî bîyî.

Cinîya Aydinî Şukrane Aydin yadkerdiş de qisey kerd û dîyar kerd ke şarê kurdî bedelê giranî dayê. Şukrane vat: ‘’Ganî keyeyanê vindîbîyeyan ra uzr bêro waştene.’’

Serra Bucak vat: ‘’Şexsê Vedat Aydinî de ez kedkaranê têkoşînê azadî û demokrasîyî bi rêzî yad kena.’’

Halîde vat: ‘’Ma do kerdoxan ra hesab bipersê. Rojê haştîye nêzdî yê.’’

Hemsereka DEM Partî ya Amedî Gulşene Ozer vat: ‘’Ma xeylê embazî nê têkoşînî de vinî kerdî. 100 serrî yo kurdî payan ser de yê.’’

Dima girseyî qeranfîlî nayî gorî ser.