Amadekarîye yena kerdene ke 4ê Nîsane rojbîyayîşê Rayber Apoyî bi çalakîyanê cîyayan bêro fîrazkerdene. Koma Awazê Çiya zî pare kerd ke ê do bi huner, awaz û hacetanê xo 4ê Nîsane fîraz bikerê. Endamanê kome ajansê ma rê qisey kerd.

Armanc: Sey gerîlayan ma do tewrê şayîyanê 4ê Nîsane bibê. Rojbîyayîşê Rayber Apoyî seba ma fîraz o. Geşbîyayîşê xoza, gandarbîyayîşê şarê kurdî, rojbîyayîşê Rayber Apoyî seba ma wayîrê manayêka cîya yê. Ma na roje dîyarîya pêro gerîlayan, şarê Kurdîstanî û her kesî kenê. Sey Awazê Çiya ma amadekarîyê xo kerdî. Senî ke ma bi coşê Newroze tewrê şayîyan bîyî ma do bi heman hawayî tewrê 4ê Nîsane zî bibê. Ma hêvî kenê ke no proses bi serkewtî do temam bibo.

Hedar: Ma nika ra 4ê Nîsane fîraz kenê. Newroze bi coşê vengdayîşê Rayber Apoyî derbaz bîye. Ma ancî Newroze şarê xo rê fîraz kenê. Ma eşkenê vajê ke Newroze resaya cayê xo. Nika ma amadekarîyanê 4ê Nîsane kenê. Ma do bi huner, awaz û hacetanê xo tewrê 4ê Nîsane bibê. Ma rojbîyayîşê Rayberîye pêro şarê xo û embazanê xo rê fîraz bikerê.

Tolhildan: 4ê Nîsane roja estbîyayîşê şarê kurdî ya. Rojêka fîraz a. Bi mîlyonan merdimî na roje fîraz kenê. Ma hê amadekarîyanê xo kenê. Ma aktîvîteya xo de do moral bidê embazan. Di rojan ma hê provayan kenê. No proses kelecanêkê pîlî dano ma. Nê bingeyî ser o ma do şayîyanê 4ê Nîsane bikerê.