Dayîka Berçeme Amed: Wa kurdî wirzê payan ser

Fermandaranê YJA Starî ra Berçem Amed 27ê teşrîna peyêne ya 2010î de Amede pîya 5 embazanê xo yê cinîyan tewrê kerwanê şehîdan bîye. Dayîka Berçeme, Ayşe Marangoza ke bi wesîleya şehadetê kênaya xo qisey kerd  waşt ke wa kurdî wirzê payan ser.

Mîyasere Marangoze serra 1984î de qezaya Çêrmûge ya Amedî de maya xo ra bîye. Keyayê Marangoze ke wayîrê xoverdayîşê kurdan vejîyayêne serranê 90an  de rîyê polîtîkayanê înkar û çinkerdişî ra nêçare mendî ke koçê Almanya bikero. Coka Mîyasere Marangoz bi hesreta Kurdîstanî û Amedî Almanya de bîye pîl.Click to enlarge image bercem_miyaser_marangoz2.jpgClick to enlarge image bercem_miyaser_marangoz2.jpg

Mîyasere vera komployê mîyanneteweyî yo ke 9ê teşrîna verêne 1998î de vera Rayberê Şarê Kurdî Abdullah Ocalanî û şarê Kurdîstanî ame kerdene, Ewrupa de tewrê karî bena. Almanya de di serrî kar kena û serra 2000î de verê xo dana koyanê Kurdîstanî yê azadan. A hinî  Berçema koyanê Kurdîstanî ya.

Berçeme destpêk de Heftanîn, Zap û Qendîlî de têkoşîyena. Tewrê refanê YJA Starî bena û seba hemrayanê xo bena çimeyê moralî. Felsefeya Ocalanî ser o xorîn xebitîyena. Yew demêkê kilmî de koyan de bena yew, gelek herêman de embazanê xo rê hemrayî kena û sewîya bereyî de tewrê têkoşînî bena. Seba nê xeyalê tewr pîlî yê azadkerdişê Amedî û pêşwazîya Ocalanî warê îstasyonî de bîye. Bi nê armancî verê xo dana Amedî. Serra 2006î ra dima Amed de sey fermandara YJA Starî bi hawayêkê çalakî tewrê mîyanê têkoşînî bena. Serra 2010î de pîya bi  5 hemrayanê xo yê cinîyan şehîd bena.

Bi wesîleya serrgêra şehadetê Berçeme Amed, dayîka ci Ayşe Marangoza ke têkoşînê kênaya xo dana rayraberdene derheqê aye de qisey kerd. Dayîke Ayşe ard ziwan ke ê do heta peynî wayîrê dewaya şehîdan bivejîyê. Ayşe Marangoza ke bale ante polîtîkaya qirkerdişê vera kurdan ser, waşt ke wa şarê kurdî wayîrê Şingalî vejîyo û veng da Barzanîyî û vat: ''Dişmenê kurdan dostê to nêbenê. Êyê ke koyan de yê dostê to yê heqîqî ê yê.''