Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyabî, lajê xo Ferît Şenyaşarî reyde verê Edlîyeya Riha de Nobeta Edaletî rê dewam kena.

Dayîke Emîne Şenyaşar roja 543. ya nobete de qisey kerd û vat: ''Dadger û dozgerî kewenê gıneyê ma, ma heqê xo nînan rê helal nêkenê. Wa Fadilê mi vera bidîyo. Kênaya ey bê ey bîya pîl. Lajê mi zindan de, ma tîya de pêrîşan benê. Ez seba her kesî edaletî wazena. 543 rojî yo ma tîya de zulmî vînenê. Heta ke lajê mi vera nêdîyo, ez tîya ra nêwirzena ra.''

Keyeyê Şenyaşaran vizêr bi wesîleya Roja Haştîye ya Dinya 'Pêramotişê Edaletî' akerdbi. Pêramotiş roja diyîne de verê edlîye de dewam keno.