Hetkarê Hemserekan ê Pêroyîyan ê HDPyî yê Heqanê Merdiman û Huqûqî ra Berpirsîyar Umît Dedeyî eşkerayîyêka nuştekîye weşanaye.

Umît Dedeyî bale ante dosyaya Cemîl Kirbayiro ke Darbeya 12ê Êlule ra dima 13ê êlule de hetê hetê hêzanê dewlete ra dîyabi vînkerdene.

Dedeyî ard ziwan ke bi bahaneya 'serê ci ra xeylêk wext vîyart' îqtîdar xîret keno ke na dosya biqefilno. Dedeyî vat: ''Sûcê bi zorî vînkerdişî de cayê qanûnê vîyartişê wextî çin o. Baro, roşnvîr û rayaumûmîya demokratîke ganî vera na nêheqîye wurzê payan ser û seba ke edalet bêro caardene têbigêrê.''