78 rojnameger, sîyasetmedar, roşnvîr, hunermend û kesayetan Îstanbul de seba çareserîya meseleya kurdan deklarasyonê 'Vengdayîşê Haştîye' eşkera kerd. Xeylêk kesî tewrê eşkerakerdişê deklarasyonî bîyî.

Deklarasyon hetê aktîvîstan heqanê merdiman Nîmete Tanrikulu ra ame wendene. Deklarasyon wina yo:

''Tirkîya de tewr peyên 2013-2015 de prosesê çareserîye dîyabi destpêkerdene û heyf ke proses ser nêkewt. La ancî zî welat de boya haştîye virazîyabî. O çax Îmrali de Abdullah Ocalanî reyde pêvînayîşî ameybî kerdene. Nê prosesê girîngî de Abdullah Ocalanî sey muxatabê dewlete bi. 24ê temmuza 2015î ra nata welat mîyanê şer û krîzan de yo.

Nê çaxî de Tirkîya bi temamî vurîyaye rejîmêkê otorîterî. Hetê bînî ra muxalefetê Tirkîya zî çareserîya meseleya kurdan nêwazeno. Hînî no rejîm vurîyayo na aste ke welat bîyo Girawa Îmraliyî. Seba ke prosesê haştîye newe ra bêro awankerdene, mergî biqedê û krîzî çareser bibê vera muxatabê meseleya kurdan Abdullah Ocalan tecrîd bêro wedaritene. Birêz Ocalan 32 mengî yo pêro heqanê xo ra bêpar yeno verdayene, nêeşkeno keye û avûkatanê xo bivîno. 

Coka ma venga hukmatî danê ke cade nê tecrîdê bêhuqûqî wedarnê. Ma venga muxalafetê sîyasî û komelkîyî zî danê ke wa sîyasetê haştîye bihêz bikerê. Seke rojanê peyênan de ma dî haştîya tewr xirabe şerê tewr heqdarî ra holêr a.''

Nê kesan îmza daye deklarasyonî:

Abdûlhakîm Daş, Ahmet Asena, Ahmet Farûk Unsal, Ahmet Turk, Ahmet Ûçar, Akin Bîrdal, Alî Dûran Topûz, Alî Kenanoglû, Atîlla Yuceak, Ayşegul Devecîoglû, Azad Bariş, Bahadir Altan, Birgul Asena Guven, Canan Kaplan, Canan Yuce, Cavît Ûgûr, Celal Firat, Cengîz Çîçek, Cevdet Bagca, Dîlek Gokçîn, Dogan Ozguden, Ekîn Yeter Moray, Elîf Torûn Oneren, Ender Ondeş, Erdal Dogan, Erdogan Yalgin, Eren Keskîn, Erol Katircioglû, Esengul Demîr, Fatma Gok, Ferda Koç, Feryal Oney, Fîkret Başkaya, Fîlîz Kerestecîoglû, Gamze Taşçi, Gulsum Agaoglû, Hakan Ozturk, Hakan Tahmaz, Hasan Cemal, Hayrettîn Bellî, Huseyîn Aykol, Huseyîn Ayrilmaz, Husnu Ondul, Încî Hekîmoglû, Încî Tûgsavûl, Îrfan Aktan, Julîde Kûral, Kadriye Dogan, Kanber Saygili, Kezban Konûkçû, Mert Buyukkarabacak, Mûkaddes Erdogdû Çelîk, Mûsa Kûlû, Muslum Yucel, Namik Koyûncû, Nejat Taştan, Nesîmî Aday, Nîmet Tanrikûlû, Orhan Alkaya, Oya Ersoy, Oya Oznûr, Ozgur Karabûlût, Ozgur Muftuoglû, Pakrat Estûkyan, Perîhan Koca, Pinar Aydinlar, Ridvan Tûran, Seda Berzeg, Serhat Çakmak, Sînan Gokçe, Sûna Aras, Şanar Yûrdatapan, Yaşar Guven, Zekî Gul, Ziya Halîs, Ertûgrûl Barka, Ertûgrûl Mavîoglû, Ercan Altûntaş.