Endamanê Delegasyonê Huqûqnasanê Vera Tecrîdî yê Mîyanneteweyîyî Amed de rêxistinê çapemenîye zîyaret kerdî.

Hemserekê Komeleya Rojnamegeran a Dîcle Firatî (DFG) Serdar Altan, Sereka Komeleya Rojnamegeran ê Cinîyan aMezopotamya (MKG) Roza Metîna û endamanê komeleyan endamê delegasyonî pêşwazî kerdî.

Serdar Altanî pêvînayîş de derheqê xebatanê komele de agahîyî dayî delegasyonî. Altanî da zanayene ke rojnamegerî Tirkîya de  binê teda û hêrişan de xebitîyenê û vat: ''Sey çapemenîya azade ma xo mesuldar vînenê ke meseleyê ke meseleya kurdan ra qewimîyenê înan rayaumûmîye de pare bikerê. Wexto ke ma raştîyan pare kenê zî raştê tedayanê giranan û şîdetî yenê. Nika 44 rojnamegerî tepişte yê. La ma rixmê pêro tedayan zî nusenê.''

Altanî dima raporê binpaykerdişê heqanê rojnamegeran teslîmê delegasyonî kerd.

Sereka MKGyî Roza Metîna zî îfade kerd ke ê xîret kenê ke bibê vengê pêro rojnamegeran ê cinîyan ê dinya û vat: ''Ma her menge raporê binpaykerdişan pare kenê. Nika 10 rojnamegerê cinîyî zîndan de yê. Ma giranîye danê rojnamegerîya cinîyan û seba ney zî kargehan virazenê. Ma destekê huqûqîyî zî danê rojnamegeran ê cinîyan.''

Pêvînayîşî ra dima heyet seba ke dewaya vera Hemsereka DFGyî Dîcle Muftuoglu teqîb bikero derbazê Edlîyeya Amedî bi.