Delegasyonê Huqûqnasanê Vera Tecrîdî yê Mîyanneteweyî Îstanbul de Buroyê Huqûqî yê Asrinî zîyaret kerd û avûkatanê Rayberê Şarê Kurdî Abdullah Ocalan de pêvînayîş kerd.

Avûkatan ra Razîye Ozturk, Rêzan Sarica, Îbrahîm Bîlmez û Cengîz Yureklî endamî pêşwazî kerdî.

Zîyaret de avûkatan pare kerd ke înan çend reyî seba pêvînayîşê bi Rayberê Şarê Kurdî Abdullah Ocalanî muracatê Wezîrîya Edaletî kerd la muracatê înan ameyî redkerdene.

Cengîz Yureklîyî da zanayene ke tecrîdê Îmraliyî ra ê nêeşkenê Abdullah Ocalanî ra xeberêke bigêrê. Yureklîyî vat: ''Sîstemê Îmraliyî bi xo seba Abdullah Ocalan ame kerdene. Tecrîdê Îmraliyî her ke şino beno giranêr. Hîrê serrî yo qetî ma Ocalanî ra xeberêke nêgirewte. Ewropa zî vera tecrîdî erkanê xo nêana ca. Ma nika rewşa muwekîlanê xo nêzanenê û ê mîyanê kamyew şertan de yê. Goreyê krîteranê Mandelayî ganî pêvînayîşî bêrê kerdene.''

Avûkatan raporê serê Îmraliyî muracatê delegasyonî kerd. Zîyaret çapemenîye ra girewte dewam kerd.